Grubbefoda ver'ern "Hoffmann Reisen" Bus mit de oroaschene TShirts

Am Freitagmittag um 14 Uhr war de Treffpunkt von de Badische Schützejugend in Lome em Badner Platz um e letschdes mol nach Pfreimd in'd Owwapfalz zu fahre. Während de lange Busfahrt mit'are ausgiebiche Unnahaltung vom Dominic sinmar nach oinere Paus im Tännisberger Hotel Wurzer okomme.
Em nächste Morje musste ma frieh uffschtehe, da de Landesjugendlaider Thomas Gesell Geburtstag khat hat un ma dem e Geburtstagslied gsunge hen. Später uff de Schießolag henma newe de Scheiwe a alte Bekannte von de Owwapfalz droffe. Verständigungsprobleme ware halt net auszuschließe, awwa dennoch kame ma gut midenana aus. Nach'm erschde Wettkampfdag ware'ma alle im große un ganze zufriede.
D'Owwapfalz üwweraschte uns mit'arem drei Gänge Menü. Nach'm stürmische Uffbruch von de Ohlag gings ins Hotel z'rick, um de DFB Nationalkader tatkräftig vor de Glotze zu unastütze. E paar henn dann um elfe e stillie Zimmerparty ogfange.
Am nächschde Morje, als ma im Schützenvaroi von de Owwapfalz okomme sinn, sima zu'arem "wakeup" mit unsare Trainer zwunge worre mit de Worte: "Hoch, tief, grade, schief, dunkel, hell, langsam, schnell". Dodenoch henma e Grubbefoda ver'ern "Hoffmann Reisen" Bus mit de oroaschene TShirts gmacht.
Während ma den Bericht do schreiwe, trainiere anare oda henn noch ihr'n ledschde Wettkampf zu bestreide. Mir hoffe, dass nach'm gestrigge Dag ah d'haidige for die Badner fehlerfrei zu End geht.
Während de Hoimfahrt, wärds uns bstimmt net langweilig werre, weil de Dominic einiges mit uns vorhat. Alla so sin mia 38 oroaschene Badner Schütze wiedda z'rück nach Bade gfahre, un henn im g'samte e luschdiges un erfolg reichs Wocheend hinna uns un fraia uns uff unsa neie Gegna ausm Schwoweland ... net!